മാള: വീട്ടമ്മയെ അപമാനിക്കാന്‍ ശ്രമിച്ച കേസില്‍ യുവാവ് അറസ്റ്റില്‍. കോട്ടമുറി കൊടവത്തുംകുന്ന് മാടവനപ്പറമ്പില്‍ വിനോദ് (36) നെയാണ് എസ്.ഐ കെ.എ പ്രദീപും സംഘവും അറസ്റ്റു ചെയ്തത്.
വൈന്തോട് വച്ച് അടുത്ത വീട്ടില്‍ നിന്ന് വെള്ളം എടുക്കാന്‍ പോവുകയായിരുന്ന വീട്ടമ്മയെ ഇയാള്‍ വഴിയില്‍ വച്ചു അപമാനിക്കാന്‍ ശ്രമിക്കുകയായിരുന്നുവെന്നു പൊലിസ് പറഞ്ഞു. കഴിഞ്ഞ മാസം 26ന് വൈകീട്ട് ആറേകാലിന് ആയിരുന്നു സംഭവം. സംഭവത്തെ തുടര്‍ന്ന് ഇയാള്‍ ഓടി രക്ഷപ്പെടുകയായിരുന്നു. എ.എസ്.ഐ കെ.എ പ്രദീപന്‍, സീനിയര്‍ സി.പി.ഒ ബെന്നി ജോസഫ്, സി.പി.ഒ മിഥുന്‍ ആര്‍ .കൃഷ്ണന്‍, സി.പി.ഒ പി.എഫ് ജാക്‌സന്‍ എന്നിവരും അന്വേഷണ സംഘത്തില്‍ ഉണ്ടായിരുന്നു.