പെരുമ്പാവൂര്‍: വളയന്‍ചിറങ്ങര വി.എന്‍ കേശവപിള്ള സ്മാരക വായനശാല വനിതാവേദിയുടെ ആഭിമുഖ്യത്തില്‍ സൗജന്യ തുണിസഞ്ചി നിര്‍മാണ പരിശീലനം ആരംഭിച്ചു.
രായമംഗലം ഗ്രാമപഞ്ചായത്ത് പ്രസിഡന്റ് സൗമിനി ബാബു ഉദ്ഘാടനം ചെയ്തു. ഷീല ദാസ്, ഹേമ ഷാജി എന്നിവര്‍ പരിശീലനത്തിനു നേതൃത്വം നല്‍കി. ഗ്രാമപഞ്ചായത്ത് അംഗങ്ങളായ ജ്യോതിഷ്, ഷൈബി രാജന്‍, അമ്പിളി ഷാജീവ്, വനിതാ സമാജം പ്രവര്‍ത്തക ചിന്നമ്മ, അങ്കണവാടി പ്രവര്‍ത്തക മിനി, വായനശാല പ്രസിഡന്റ് എം.കെ മദനമോഹനന്‍, സെക്രട്ടറി എന്‍.പി അജയകുമാര്‍, എം.എസ് ഹരികുമാര്‍ എന്നിവര്‍ സംബന്ധിച്ചു. പരിശീലനം പൂര്‍ത്തിയായതിനു ശേഷം വനിതാവേദിയുടെ ആഭിമുഖ്യത്തില്‍ തുണിസഞ്ചി നിര്‍മാണവും വിതരണവും നടത്തും.