തൊട്ടില്‍പ്പാലം: കുറ്റ്യാടി ഗവ.താലൂക്കാശുപത്രിയും പരിസരവും ശുചീകരിക്കാന്‍ വയനാട്ടില്‍ നിന്ന് വിദ്യാര്‍ഥികളെത്തിയത് ശ്രദ്ധേയമായി.
വളാഞ്ചേരി മര്‍കസ് ആസ്ഥാനമായ സി.ഐ.സി (കോഓര്‍ഡിനേഷന്‍ ഓഫ് ഇസ്‌ലാമിക് കോളജ്) വിഭാവനം ചെയ്യുന്ന വാഫി കോഴ്‌സിലെ നിര്‍ബന്ധിത സാമൂഹ്യ സേവനത്തിന്റെ (സി.എസ്.എസ്) ഭാഗമായി വയനാട് ശംസുല്‍ ഉലമാ ഇസ്‌ലാമിക് അക്കാദമിയിലെ ഡിഗ്രി വിദ്യാര്‍ഥികളാണ് കുറ്റ്യാടി താലൂക്ക് ആശുപത്രിയും പരിസരവും വൃത്തിയാക്കാനായി ചുരമിറങ്ങിയെത്തിയത്. . ഇതിനു മുന്‍പ് സി.എസ്.എസിന്റെ ഭാഗമായി ഓള്‍ഡ് എയ്ജ് ഹോം സന്ദര്‍ശനം, സഹപാഠിള്‍ക്ക് വീട് നിര്‍മാണം, പൊതു സ്ഥലങ്ങളില്‍ ശുചീകരിക്കല്‍ അടക്കമുള്ള പ്രവര്‍ത്തനങ്ങള്‍ നടത്തിയിരുന്നു. അക്കാദമി പതിമൂന്നാം ബാച്ചിലെ ഇരുപതോളം വിദ്യാര്‍ഥികള്‍ ശുചീകരണ പ്രവര്‍ത്തനത്തില്‍ പങ്കെടുത്തു.