പാരിസ്: ബാബരി വിധിയെക്കുറിച്ച് അപക്വവും അസത്യവുമായ പരാമര്‍ശങ്ങള്‍ കൊണ്ട് പാകിസ്താന്‍ ഇന്ത്യയെ അപമാനിക്കുകയാണെന്ന് ഇന്ത്യ. പാരീസില്‍ നടന്ന യുനെസ്‌കോ ജനറല്‍ കോണ്‍ഫറന്‍സ്-ജനറല്‍ പോളിസി യോഗത്തിലാണ് ഇന്ത്യയുടെ മറുപടി.

വേള്‍ഡ് ട്രേഡ് സെന്റര്‍, മുംബൈ ആക്രമണത്തിലെ ഭീകരര്‍ എവിടെ നിന്നായിരുന്നു. ഒസാമ ബിന്‍ ലാദനെയും മുല്ല ഒമറിനെയും എവിടെനിന്നാണ് കണ്ടെത്തിയത്. ഹിസ്ബുല്‍ മുജാഹിദ്ദിന്‍, ജമാഅത്ത് ഉദ് ദവ, ലഷ്‌കര്‍ ഇ ത്വയ്ബ തുടങ്ങിയ സംഘടനകള്‍ എവിടെയാണ് പ്രവര്‍ത്തിക്കുന്നതെന്നും ഇന്ത്യന്‍ വക്താവ് ചോദിച്ചു.

മറ്റൊരു രാജ്യത്തിന്റെ ആഭ്യന്തര വിഷയങ്ങളില്‍ പാകിസ്താന്‍ എന്തിന് ഇടപെടുന്നു. എല്ലാ വിശ്വാസങ്ങള്‍ തുല്യ ബഹുമാനം നല്‍കിയ വിധി പാകിസ്താനിലെ കാഴ്ചപാടിന് വിരുദ്ധമാണ്. അനാവശ്യമായ പരാമര്‍ശമാണ് പാകിസ്താന്‍ നടത്തുന്നതെന്നും ഇന്ത്യ കുറ്റപ്പെടുത്തി.