മുംബൈ: മുബൈയില്‍ ഓടിക്കൊണ്ടിരുന്ന ട്രെയിനിനുള്ളില്‍ പൊലിസ് ഉദ്യോഗസ്ഥന്‍ സ്വയം വെടിവച്ച് ആത്മഹത്യ ചെയ്തു. അമര്‍ മഹാദേവ് ഗെയ്ക്ക്‌വാദ് എന്ന പൊലിസ് ഉദ്യോഗസ്ഥനാണു കഴിഞ്ഞ ദിവസം പുലര്‍ച്ചെ ജീവനൊടുക്കിയത്. പുലര്‍ച്ചെ 5.30ഓടെയായിരുന്നു സംഭവം.
ബൊരിവാലിയില്‍നിന്നുള്ള ലോക്കല്‍ ട്രെയിനില്‍ പട്രോളിങ് ഡ്യൂട്ടിലായിരുന്ന ഇയാള്‍ സര്‍വിസ് റിവോള്‍വര്‍ ഉപയോഗിച്ചു നെഞ്ചില്‍ നിറയൊഴിക്കുകയായിരുന്നു.വനിതാ കംപാര്‍ട്ടുമെന്റില്‍ വെടിയേറ്റുവീണ ഇയാളെ പെട്ടെന്നുതന്നെ ആശുപത്രിയിലെത്തിച്ചങ്കിലും ജീവന്‍ രക്ഷിക്കാനായില്ല. അമര്‍ ജീവനൊടുക്കാനുണ്ടായ സാഹചര്യമെന്താണന്ന് അറിയില്ലെന്നും അന്വേഷണം നടക്കുകയാണെന്നും പൊലിസ് അറിയിച്ചു.