വാണിമേല്‍: സുപ്രഭാതം ദിനപത്രത്തിന്റെ നാലാം വാര്‍ഷിക പ്രചരണ കാംപയിന്റെ വാണിമേല്‍ റെയ്ഞ്ച്തല പ്രചരണോദ്ഘാടനവും റെയ്ഞ്ച് ജംഇയ്യത്തുല്‍ മുഅല്ലിമീന്‍ സമ്പൂര്‍ണ കൗണ്‍സില്‍ മീറ്റും നാളെ ഭൂമിവാതുക്കല്‍ നൂറുല്‍ ഹുദാ മദ്‌റസയില്‍ നടക്കും.
രാവിലെ എട്ടിന് ആരംഭിക്കുന്ന റെയ്ഞ്ച് ജനറല്‍ ബോഡി മീറ്റിങ്ങില്‍ റെയ്ഞ്ചിലെ പതിനാല് മദ്‌റസയിലെ മുഴുവന്‍ അധ്യാപകരും മാനേജ്‌മെന്റ് പ്രധിനികളും പങ്കെടുക്കും. സമസ്ത മുഫത്തിശ് മുസ്തഫ ഫൈസി പൊഴുതന അധ്യക്ഷനാകും. റെയ്ഞ്ച് പ്രസിഡന്റ് അബ്ദുസ്സലാം ദാരിമി അടിവാരം ഉദ്ഘാടനം ചെയ്യും. മുദരിബ് ജഅ്ഫര്‍ വാഫി പിണങ്ങോട് വിഷയമവതരിപ്പിക്കും. സെക്രട്ടറി ഉണ്ണീന്‍ കുട്ടി മുസ്‌ലിയാര്‍, ചെയര്‍മാന്‍ കെ. അലി മുസ്‌ലിയാര്‍ പ്രസംഗിക്കും. തുടര്‍ന്ന് പുതിയ കമ്മിറ്റിക്ക് രൂപം നല്‍കും.
ഒന്‍പത് മുപ്പതിന് നടക്കുന്ന സുപ്രഭാതം നാലാം വാര്‍ഷിക റെയ്ഞ്ച്തല പ്രചരണോദ്ഘാടനം എസ്.വൈ.എസ് ജില്ലാ ഉപാധ്യക്ഷന്‍ സയ്യിദ് ടി.പി.സി തങ്ങള്‍ നിര്‍വഹിക്കും. ടി.എം.വി അബ്ദുല്‍ ഹമീദ്, ജാഫര്‍ ദാരിമി ഇരുന്നിലാട് പ്രസംഗിക്കും.