കോഴിക്കോട്: പൊള്ളലേറ്റതിനെ തുടര്‍ന്നുണ്ടായ രൂപവൈകൃതങ്ങള്‍ കാരണം വിഷമിക്കുന്നവര്‍ക്ക് സാന്ത്വനവുമായി കോഴിക്കോട് ഐ.എം.എ, ബര്‍ണസ് സര്‍വൈവേഴ്‌സ് മിഷ്യന്‍ സേവ്യര്‍, ഡോ. എം.കെ മുനീര്‍ എം.എല്‍.എ, കേരള പ്ലാസ്റ്റിക് സര്‍ജറി അസോസിയേഷന്‍ എന്നിവയുടെ ആഭിമുഖ്യത്തില്‍ നിഹൗരി മണ്ഡലിയുടെ നേതൃത്വത്തില്‍ സൗജന്യ മെഡിക്കല്‍ ക്യാംപ് നടത്തുന്നു.
 29, 30 തിയതികളില്‍ കോഴിക്കോട് ഐ.എം.എ ഹാളില്‍ രാവിലെ 10 മുതലാണ് ക്യാംപ്. 'ബേണ്‍ ടു ഷൈന്‍' എന്ന പേരിലുള്ള പ്രവര്‍ത്തനങ്ങളുടെ ഭാഗമായുള്ള ക്യാംപില്‍ വിദഗ്ധ പ്ലാസ്റ്റിക് സര്‍ജന്മാര്‍ പങ്കെടുക്കും.
പരിപാടിയുടെ ഭാഗമായി ഇന്നു രാവിലെ 7.30 കോഴിക്കോട് ബീച്ചില്‍ ബോധവല്‍ക്കരണ റാലി നടക്കും. ക്യാംപില്‍ തിരഞ്ഞെടുക്കപ്പെടുന്ന 30 രോഗികള്‍ക്ക് സെപ്റ്റംബറില്‍ സൗജന്യ ശസ്ത്രക്രിയ നടത്തും. മെഡിക്കല്‍ കോളജുകളും മറ്റും കേന്ദ്രീകരിച്ച് പൊള്ളലേറ്റവരുടെ ചികിത്സാ സംവിധാനങ്ങള്‍ കൂടുതല്‍ മെച്ചപ്പെടുത്താനുള്ള ശ്രമങ്ങള്‍ നടക്കുന്നതായും ഇതുമായി ബന്ധപ്പെട്ട് ആരോഗ്യമന്ത്രിയുമായി ചര്‍ച്ച നടത്തിയിട്ടുണ്ടെന്നും ഡോ. എം.കെ മുനീര്‍ എം.എല്‍.എ പറഞ്ഞു.
ഫോണ്‍: 0495-2368715, 9847508715. വാര്‍ത്താ സമ്മേളനത്തില്‍ ഐ.എം.എ പ്രസിഡന്റ് ഡോ. പി.എന്‍ അജിത, കേരള പ്ലാസ്റ്റിക് സര്‍ജറി അസോസിയേഷന്‍ സംസ്ഥാന സെക്രട്ടറി ഡോ. ടി.എം ഷീജ രാജന്‍, ജില്ലാ സെക്രട്ടറി ഡോ. സെബിന്‍ തോമസ് പങ്കെടുത്തു.വി ഫാം പ്രവര്‍ത്തകര്‍ വായ്മൂടിക്കെട്ടി ധര്‍ണ നടത്തി