മേപ്പയ്യൂര്‍: ലോകത്തിന്റെ കായിക ഭൂപടത്തില്‍ മേപ്പയ്യൂരിന്റെ നാമധേയം സ്വര്‍ണ ലിപികളില്‍ രേഖപ്പെടുത്തിയ കായിക താരം വരകില്‍ നീനക്ക് ജന്മനാടായ പട്ടോനക്കുന്നില്‍ ജനകീയ സ്വീകരണം നല്‍കി.
ബാന്റുമേളവും, വര്‍ണ ബലൂണുകളും വെടിക്കെട്ടുമൊക്കെയായി കുടുംബശ്രീ പ്രവര്‍ത്തകരും നാട്ടുകാരുമൊന്നടങ്കം ആബാലവൃദ്ധം ജനങ്ങള്‍ സ്വീകരണ ഘോഷയാത്രയില്‍ അണിനിരന്നു. മേപ്പയ്യൂര്‍ എല്‍.പി  സ്‌കൂള്‍ ഗ്രൗണ്ടില്‍ നിന്ന് തുറന്ന വാഹനത്തില്‍ വരകില്‍ നീനയെ ആനയിച്ച് നടത്തിയ ഘോഷയാത്ര ജന്മനാടായ പട്ടോനക്കുന്ന് കാവുള്ളാം വീട് കുളത്തിന് സമീപം സമാപിച്ചു. തുടര്‍ന്ന് നടന്ന അനുമോദന സമ്മേളനം മേലടി ബ്ലോക്ക് പഞ്ചായത്ത് പ്രസിഡന്റ് കെ. കുഞ്ഞിരാമന്‍ ഉദ്ഘാടനം ചെയ്തു.
പഞ്ചായത്തംഗം കെ.ടി രാജന്‍ അധ്യക്ഷനായി. മുന്‍ ബ്ലോക്ക് പഞ്ചായത്ത് പ്രസിഡന്റ് കെ.കെ രാഘവന്‍ നീനക്ക് ജന്മനാടിന്റെ ഉപഹാരം നല്‍കി. പഞ്ചായത്ത് പ്രസിഡന്റ് പി.കെ റീന, മുന്‍ എം.എല്‍.എ എന്‍.കെ രാധ, ആര്‍.വി അബ്ദുറഹിമാന്‍, വരകില്‍ നീന സംസാരിച്ചു.
കെ.കെ സുനില്‍കുമാര്‍, അഡ്വ.പി രജിലേഷ്, എ. സുബാഷ് കുമാര്‍, കെ.കെ സലി, പി.കെ പ്രിയേഷ് കുമാര്‍, നന്ദാനത്ത് ഷാജി, ടി.കെ ബാലകൃഷ്ണന്‍, എന്‍.കെ സത്യന്‍, എം.കെ സുമതി നേതൃത്വം നല്‍കി.