കൊച്ചി: ശബരിമലയില്‍ പ്രവേശിക്കാന്‍ യുവതികളെത്തിയാല്‍ തടയുമെന്നും ശബരിമല റിവ്യൂ ഹരജികള്‍ ഏഴംഗ ഭരണഘടനാ ബെഞ്ചിന് വിട്ടത് സ്വാഗതാര്‍ഹമെന്നും ബി.ജെ.പി ജനറല്‍ സെക്രട്ടറി എം.ടി രമേശ്. അയ്യപ്പവിശ്വാസികള്‍ കോടതിയെ ബോധ്യപ്പെടുത്താന്‍ ശ്രമിച്ചത് എന്താണോ അത് കോടതി അംഗീകരിച്ചുവെന്ന് എം.ടി രമേശ് കൊച്ചിയില്‍ മാധ്യമങ്ങളോട് പറഞ്ഞു. പുനഃപരിശോധനാ ഹരജി പരിഗണിക്കേïതാണെന്ന് മനസിലാക്കിയാണ് സുപ്രിം കോടതി ഏഴംഗ ബെഞ്ചിന് കേസ് കൈമാറിയതെന്ന് എം.ടി രമേശ് വ്യക്തമാക്കി. ഇനി സാങ്കേതികത്വം പറഞ്ഞു അവിശ്വാസികളെ ശബരിമലയില്‍ എത്തിക്കാന്‍ നോക്കരുതെന്നും അത് ഗുരുതരമായ പ്രത്യാഘാതമുïാക്കുമെന്നും അദ്ദേഹം പറഞ്ഞു. സര്‍ക്കാര്‍ അവിശ്വാസികളെ സഹായിക്കുന്ന നിലപാട് ഉപേക്ഷിക്കണമെന്നും അദ്ദേഹം ആവശ്യപ്പെട്ടു.