ഓച്ചിറ: വിശ്വാസ തര്‍ക്കങ്ങളോ ഏറ്റുമുട്ടലുകളോ ഇല്ലാത്ത സ്ഥലമാണ് ഓച്ചിറ പടനിലമെന്നും ഹൈക്കോടതിക്ക് ദൈവങ്ങളെക്കുറിച്ചുള്ള തര്‍ക്കങ്ങളാണ് ഇപ്പോള്‍ ഉള്ളതെന്നും സി. ദിവാകരന്‍ എം.എല്‍.എ. വൃശ്ചികോത്സവത്തിന്റെ ഭാഗമായി പടനിലത്ത് സംഘടിപ്പിച്ച വ്യാവസായിക സമ്മേളനം ഉദ്ഘാടം ചെയ്യുകയായിരുന്നു എം.എല്‍.എ.
കേരളം വ്യാവസായികമായി പുറകിലല്ല. എന്നാല്‍ സംസ്ഥാനങ്ങളെ താരതമ്യം ചെയ്യുമ്പോള്‍ കേരളം പിറകിലാണ്. സംസ്ഥാനാത്ത് 111 പൊതുമേഖലാ സ്ഥാപനങ്ങള്‍ ഉണ്ടെന്നും അവിടെ കൊള്ളയും കെടുകാര്യസ്ഥതയും അഴുമതിയുമാണു നടക്കുന്നതെന്നും അദ്ദേഹം പറഞ്ഞു. മുന്‍ എം.എല്‍.എ ടി.കെ ദേവകുമാര്‍ അധ്യക്ഷനായി.
ആര്‍. ചന്ദ്രശേഖരന്‍, പി.ബി സത്യദേവന്‍, കൃഷ്ണവേണി ശര്‍മ്മ, അരവിന്ദാക്ഷന്‍ സംസാരിച്ചു.