കണ്ണൂര്‍: കണ്ണൂര്‍ റെയില്‍വേ സ്‌റ്റേഷനില്‍ എക്‌സൈസ് പരിശോധനയില്‍ 300 പൊതി ബ്രൗണ്‍ഷുഗറുമായി രണ്ടു പേര്‍ പിടിയില്‍. കണ്ണൂര്‍ സിറ്റി സ്വദേശികളായ സജ്ജാദ്(21), ഹര്‍ഷാദ്(22) എന്നിവരെയാണ് അറസ്റ്റു ചെയ്തത്.  കണ്ണൂര്‍ എക്‌സൈസ് എന്‍ഫോഴ്‌സ്‌മെന്റ് ആന്റ് ആന്റി നാര്‍കോട്ടിക് സ്‌പെഷല്‍ സ്‌ക്വാഡ് എക്‌സൈസ് ഇന്‍സ്‌പെക്ടര്‍ അമല്‍രാജന്റെ നേതൃത്വത്തിലായിരുന്നു പരിശോധന. ജില്ലയിലെ വിവിധ ഭാഗങ്ങളില്‍ ബ്രൗണ്‍ഷുഗര്‍ കച്ചവടം നടത്തിവരികയായിരുന്ന പ്രതികള്‍ കുറച്ചുനാളുകളായി നിരീക്ഷണത്തിലായിരുന്നു. പിടിയിലായവരെ വടകര കോടതിയില്‍ ഹാജരാക്കി റിമാന്‍ഡ് ചെയ്തു.