തിരൂര്‍: രാത്രിയില്‍ ചുമരെഴുതുന്നതിനിടെ ബൈക്കിലെത്തിയ ഒരു സംഘമാളുകള്‍ എസ്.എസ്.എം പോളിടെക്‌നിക് കോളജ് വിദ്യാര്‍ഥികളെ കത്തികാട്ടി ഭീഷണിപ്പെടുത്തിയതായി പരാതി. വ്യാഴാഴ്ച രാത്രിയില്‍ എം.എസ്.എഫ്- കെ.എസ്.യു പ്രവര്‍ത്തകരായ വിദ്യാര്‍ഥികളെ കത്തികാട്ടി ഭീഷണിപ്പെടുത്തിയെന്നാണ് പരാതി ഉയര്‍ന്നിരിക്കുന്നത്. കാംപസിന് അകത്തും പുറത്തും പ്രചാരണം നടത്തിയാല്‍ ജീവനോടെ വെച്ചേക്കില്ലെന്ന് ഭീഷണിപ്പെടുത്തിയതായി കോളജിലെ യു.ഡി.എഫ് അനുകൂല വിദ്യാര്‍ഥി സംഘടനാ പ്രവര്‍ത്തകര്‍ പറഞ്ഞു. വിദ്യാര്‍ഥികളെ ഭീതിയിലാക്കി സഞ്ചാര സ്വാതന്ത്രവും സംഘടനാ പ്രവര്‍ത്തനവും പാടെ നിഷേധിക്കുന്ന ജനാധിപത്യവിരുദ്ധ നീക്കമാണ് നടക്കുന്നതെന്ന് യു.ഡി.എഫ് നേതൃത്വം ആരോപിച്ചു.