ചങ്ങരംകുളം: ദേവീ വിഗ്രഹം തകര്‍ത്ത നിലയില്‍ കണ്ടെത്തി. ചങ്ങരംകുളം പന്താവൂര്‍ കോതക്കടവില്‍ ദേവീ വിഗ്രഹം നാല് കഷ്ണങ്ങളാക്കിയ നിലയിലാണ് കണ്ടെത്തിയത്. കടവില്‍ ഇന്ന് കുളിക്കാനിങ്ങിയ രാഹുല്‍, ടി അനില്‍കുമാര്‍, ടി.ടി ശ്യാംലാല്‍, അഭി എന്നിവരാണ് വിഗ്രഹം കണ്ടത്. കരിങ്കല്ലില്‍ തീര്‍ത്ത ദേവീ വിഗ്രഹമാണ് കണ്ടെത്തിയത്.

വിഗ്രഹം നാല് കഷ്ണങ്ങളാക്കി ഉടച്ച രീതിയില്‍ കണ്ടെത്തിയത് വിശ്വാസികളായ നാട്ടുകാരില്‍ പരിഭ്രാന്തി പരത്തി. തുടര്‍ന്ന് മാധ്യമ പ്രവര്‍ത്തകനായ കണ്ണന്‍ പന്താവൂര്‍ പൊലിസില്‍ വിവരം അറിയിച്ചു. ചങ്ങരംകുളം പ്രിന്‍സിപ്പല്‍ എസ്.ഐ കെ.പി മനേഷിന്റെ നേതൃത്വത്തിലുള്ള പൊലിസ് സംഘം സ്ഥലത്തെത്തി വിഗ്രഹം സ്റ്റേഷനിലേക്ക് മാറ്റിയിട്ടുണ്ട്. സംഭവത്തിലെ ദുരൂഹത നീക്കണമെന്ന് നാട്ടുകാര്‍ ആവശ്യപ്പെട്ടു.