കണ്ണൂര്‍: സി.ബി.എസ്.ഇ സ്‌കൂളുകളുടെ കൂട്ടായ്മയായ സഹോദയ നീന്തല്‍ ചാംപ്യന്‍ഷിപ്പില്‍ തുടര്‍ച്ചയായ അഞ്ചാം വര്‍ഷവും സിദ്ര സുനില്‍ പെണ്‍കുട്ടികളുടെ വിഭാഗത്തില്‍ ജില്ലാ ചാംപ്യനായി. ചാല ചിന്മയ വിദ്യാലയത്തില്‍ നടന്ന  മത്സരത്തില്‍  50 മീറ്റര്‍ ഫ്രീസ്‌റ്റൈല്‍, 50 മീറ്റര്‍ ബാക്‌സ്‌ട്രോക്, പെണ്‍കുട്ടികളുടെ 100 മീറ്റര്‍ റിലേയില്‍ വെങ്കലം എന്നീ നേട്ടങ്ങളോടെയാണ് സിദ്ര ജയം തുടര്‍ന്നത്. ഭാരതീയ വിദ്യാഭവനിലെ പ്ലസ് വണ്‍ വിദ്യാര്‍ഥിയാണ് സിദ്ര. കണ്ണോത്തുംചാല്‍ മെന്‍ഹര്‍ എന്‍ക്ലേവില്‍ കസില്‍ഡയില്‍ മുഹമ്മദ് സുനിലിന്റെയും ഷന്‍സയുടെയും മകളാണ്.