റിയാദ്: ഒരാഴ്ച്ച മുന്‍പ് റിയാദില്‍ സൂപ്പര്‍മാര്‍ക്കറ്റ് നടത്തികൊണ്ടിരിക്കെ അക്രമികളുടെ വെട്ടേറ്റു മരിച്ച പരപ്പനങ്ങാടി സ്വദേശി സദ്ദാം ബീച്ച് അങ്ങമന്റെ പുരക്കല്‍ സിദ്ധീഖിന്റെ മൃതദേഹം റിയാദില്‍ ഖബറടക്കി. അസീസിയ ഖബര്‍സ്ഥാനിലാണ് ഖബറടക്കിയത്.

ഇരുപതു വര്‍ഷമായി ഇതേ കടയിലെ ജീവനക്കാരനായിരുന്ന സിദ്ധീഖിന്റെ കൊലപാതകം മലയാളി സമൂഹത്തിന് ഏറെ ആഘാതമാണ് സൃഷ്ടിച്ചത്. കെ എം സി സി വെല്‍ഫെയര്‍ വിങ് പ്രവര്‍ത്തകരും പരപ്പനങ്ങാടി സൗഹൃദ കൂടായ്മയുമടക്കം വിവിധ സംഘടനകള്‍ ഖബറക്ക ചടങ്ങുകള്‍ക്ക് രംഗത്തുണ്ടായിരുന്നു. കൊലപാതകം നടത്തിയ രണ്ടു യമന്‍ പൗരന്മാര്‍ കുറ്റം സമ്മതിക്കുകയും ചെയ്തിട്ടുണ്ട് .