ചവറ: പതിനഞ്ചു വയസുകാരിയെ പീഡിപ്പിക്കാന്‍ ശ്രമിച്ച അയല്‍വാസിയെ ചവറ പൊലിസ് അറസ്റ്റ് ചെയ്തു. ചവറ പുതുക്കാട് മാങ്കുഴിക്കിഴക്കതില്‍ ഷാജി (33) യെയാണ് പിടികൂടിയത്. ഇയാളെ പോക്‌സോ നിയമപ്രകാരമാണ് അറസ്റ്റ് ചെയ്തത്. ചൊവ്വാഴ്ച പുലര്‍ച്ചെ മാതാപിതാക്കള്‍ ജോലിക്കുപോയ സമയം വീടിന്റെ മുകളിലത്തെ ഷീറ്റ് എടുത്തുമാറ്റി വീടിനകത്ത് കയറി പെണ്‍കുട്ടിയെ പീഡിപ്പിക്കാന്‍ ശ്രമിക്കുകയായിരുന്നു.
പെണ്‍കുട്ടി ബഹളം വച്ചതിനെ തുടര്‍ന്ന് ഇയാള്‍ കതക് തുറന്ന് രക്ഷപ്പെടുകയായിരുന്നെന്ന് പൊലിസ് പറഞ്ഞു. പെണ്‍കുട്ടിയുടെ മൊഴിയുടെ അടിസ്ഥാനത്തില്‍ ബോട്ടിലെ ജീവനക്കാരനായ ഷാജിയെ പൊലിസ് അറസ്റ്റ് ചെയ്യുകയായിരുന്നു.
ഷാജിയെ കോടതി റിമാന്‍ഡ് ചെയ്തു.