ന്യൂഡല്‍ഹി: 25 വയസ്സ് കഴിഞ്ഞവര്‍ക്കും 2019 ലെ നീറ്റ് പരീക്ഷ എഴുതാന്‍ സുപ്രിം കോടതി ഉപാധികളോടെ അനുമതി നല്‍കി. ഇരുപത്തി അഞ്ച് വയസ്സ് കഴിഞ്ഞവരുടെ പ്രവേശനം ഉയര്‍ന്ന പ്രായ പരിധി നിശ്ചയിച്ച സി.ബി.എസ്.സി ഉത്തരവ് ചോദ്യം ചെയ്ത് നല്‍കിയ ഹരജിയെത്തുടര്‍ന്നാണ് വിധി.

നീറ്റ് പരീക്ഷയ്ക്ക് അപേക്ഷ സമര്‍പ്പിക്കേണ്ട അവസാന തീയതി ഒരാഴ്ചത്തേക്ക് കൂടി നീട്ടാനും സുപ്രിം കോടതി നിര്‍ദേശിച്ചു. നാളെ ആയിരുന്നു അപേക്ഷ സമര്‍പ്പിക്കേണ്ടിയിരുന്ന അവസാന തീയതി.

ഉയര്‍ന്ന പ്രായ പരിധി ചോദ്യം ചെയ്ത് നല്‍കിയ ഹരജികളില്‍ ഫെബ്രുവരിയില്‍ അന്തിമവാദം കേള്‍ക്കാന്‍ ജസ്റ്റിസ് എസ്.എ ബോബ്‌ഡെ അധ്യക്ഷനായ ബെഞ്ച് തീരുമാനിച്ചു.