അങ്കമാലി: കേരള സംസ്ഥാന ബാംബു കോര്‍പറേഷന്‍ അങ്കമാലിയില്‍ ആരംഭിക്കുന്ന പനമ്പ് നെയ്ത്ത് കരകൗശല വസ്തുക്കളുടെ നിര്‍മാണ പരിശീലനത്തിന്റെ ഉദ്ഘാടനം ഇന്ന് നടക്കും.
ബാംബു കോര്‍പറേഷന്‍ അങ്കണത്തില്‍ രാവിലെ 11 ന് നടക്കുന്ന സമ്മേളനത്തില്‍ വ്യവസായ വാണിജ്യ കായിക മന്ത്രി എ.സി മൊയ്തീന്‍ ഉദ്ഘാടനം നിര്‍വഹിക്കും. ഇന്നസെന്റ് എം.പി , റോജി എം ജോണ്‍ എം.എല്‍.എ , അങ്കമാലി നഗരസഭ ചെയര്‍പേഴ്‌സണ്‍ എം.എ ഗ്രേയ്‌സി, വൈസ് ചെയര്‍മാന്‍ സജി വര്‍ഗീസ്, ബാംബു കോര്‍പ്പറേഷന്‍ ചെയര്‍മാന്‍ കെ.ജെ ജേക്കബ് തുടങ്ങിയവര്‍ പ്രസംഗിക്കും.