വടകര: വില്യാപ്പള്ളി പഞ്ചായത്തിലെ മയ്യന്നൂര്‍ വൈക്കിലശേരി റോഡില്‍ സി.പി.എം-ലീഗ് സംഘര്‍ഷം. അക്രമത്തില്‍ സി.പി.എം ബ്രാഞ്ച് സെക്രട്ടറി ഉള്‍പെട മൂന്നു പേര്‍ക്ക് പരിക്കേറ്റു. ഇതിന്റെ തുടര്‍ച്ചയായി ലീഗ് ശാഖാ ഓഫീസിനു തീയിട്ടു. തീപടര്‍ന്നത് ശ്രദ്ധയില്‍പെട്ടതിനാല്‍ ഉടന്‍ തീയണച്ചു. ഓഫീസില്‍ തൂക്കിയ യുവജനയാത്രയുടെ ബോര്‍ഡിനാണ് തീയിട്ടത്. ഓഫീസിലേക്ക് തീപടര്‍ന്ന് വരാന്തയിലെ സാധനങ്ങള്‍ നശിച്ചു.
സി.പി.എം ബ്രാഞ്ച് സെക്രട്ടറി കുനിയില്‍ ശ്രീജിത്ത്, വൈഷ്ണവ്, അര്‍ജുന്‍ എന്നിവര്‍ക്കാണ് നേരത്തെയുണ്ടായ അക്രമത്തില്‍ പരിക്കേറ്റത്. ഇവരെ വടകര ആശുപത്രിയില്‍ പ്രവേശിപ്പിച്ചു. ഇതിന് പിന്നാലെയാണ് ലീഗ് ഓഫീസിനു നേരെ തീവെപ്പുണ്ടായത്. സ്ഥലത്ത് പൊലിസ് കാവലേര്‍പെടുത്തി.