പൂച്ചാക്കല്‍: തൈക്കാട്ടുശേരി ശ്രീമൂലം സില്‍വര്‍ ജൂബിലി ഹൈസ്‌ക്കൂളിലെ(എസ.്എം.എസ.്‌ജെ.എച്ച്.എസ്)പൂര്‍വവിദ്യാര്‍ഥി സംഗമത്തോട് അനുബന്ധിച്ചുള്ള സ്വാഗതസംഘ രൂപികരണ യോഗം ഓഗസ്റ്റ് ഒന്നിന്  10.30ന് സ്‌കൂളില്‍ നടക്കും.
പൂര്‍വ വിദ്യാര്‍ഥിയും മുന്‍ ഡി.ജി.പിയുമായ പി.കെ.ഹോര്‍മീസ് തരകന്‍ ഉദ്ഘാടനം ചെയ്യും.മാനേജര്‍ ഫാ. പോള്‍ കോലഞ്ചേരി അധ്യക്ഷത വഹിക്കും.
ശ്രീമൂലം തിരുനാളാണ് സ്‌കൂള്‍ സ്ഥാപിച്ചത്. 105 വര്‍ഷം പിന്നിടുന്ന സ്‌കൂളിലെ വിവിധ വികസന പ്രവര്‍ത്തനങ്ങള്‍ ആലോചിക്കുകയും അതിന് പൂര്‍വ വിദ്യാര്‍ഥികളുടെ സഹകരണം ഉറപ്പാക്കുകയുമാണ് ലക്ഷ്യമെന്ന് ഫാ. പോള്‍ കോലഞ്ചേരി,പ്രഥമാധ്യാപകന്‍ ബിജുമോന്‍ ജോസഫ് എന്നിവര്‍ അറിയിച്ചു.