മനാമ: ഇന്ത്യന്‍ സ്‌കൂള്‍ ബഹറൈനിന്‍ ഈ വര്‍ഷത്തെ മെഗാ ഫെയറിനോട് അനുബന്ധിച്ച് കായിക പ്രേമികള്‍ക്കായി വിവിധ മത്സരങ്ങള്‍ സംഘടിപ്പിക്കുന്നു. ഫുട്‌ബോള്‍, ക്രിക്കറ്റ്, വോളിബോള്‍ എന്നിവയിലാണ് മത്സരങ്ങള്‍ നടക്കുക. ഇന്ത്യന്‍ സ്‌കൂള്‍ ഇസ ടൗണ്‍ ഗ്രൗണ്ടില്‍ ഡിസംബര്‍ ഒന്നിന് നടക്കുന്ന കായിക മത്സരങ്ങളില്‍ പങ്കെടുക്കാന്‍ ആഗ്രഹിക്കുന്ന ടീമുകള്‍ക്ക് താഴെ കൊടുത്ത ലിങ്കില്‍ ക്ലിക് ചെയ്തു വിവരങ്ങള്‍ നല്‍കാം: https://goo.gl/Pff77X . പകലും രാത്രിയുമായി നടക്കുന്ന കായിക മത്സരങ്ങളിലെ ജേതാക്കള്‍ക്ക് ആകര്‍ഷകമായ പ്രൈസ് മണിയും ഫിയും ഉണ്ടായിരിക്കും.
കായിക മത്സരങ്ങളില്‍ പങ്കെടുക്കാന്‍ ആഗ്രഹിക്കുന്നവര്‍ ഇന്ത്യന്‍ സ്‌കൂള്‍ എക്‌സിക്യൂട്ടീവ് കമ്മിറ്റി അംഗം (സ്‌പോര്‍ട്‌സ്) എം എന്‍ രാജേഷുമായി ബന്ധപ്പെടണം. ഫോണ്‍ : 37776719.

ഇന്ത്യന്‍ സ്‌കൂള്‍ മെഗാഫെയര്‍ 2018 ഡിസംബര്‍ 20, 21 തീയതികളില്‍ സ്‌കൂള്‍ ഇസ ടൗണ്‍ കാമ്പസില്‍ നടക്കുന്നതിന്റെ ഭാഗമായ ഈ മത്സരങ്ങള്‍ ഉജ്വല വിജയമാക്കിത്തീര്‍ക്കാന്‍ വിവിധ കമ്മിറ്റികള്‍ പ്രവര്‍ത്തനം ആരംഭിച്ചു കഴിഞ്ഞു. വിനോദ പരിപാടികളുടെ ഭാഗമായി തെന്നിന്ത്യന്‍ പിന്നണിഗായകരായ വിധുപ്രതാപും ഗായത്രിയും സഞ്ജിത് സലാമും നയിക്കുന്ന സംഗീത നിശ 20നും പ്രശസ്ത ബോളിവുഡ് പിന്നണിഗായിക പ്രയങ്ക നേഗി നേതൃത്വം നല്‍കുന്ന ഉത്തരേന്ത്യന്‍ സംഗീത നിശ 21 നും നടക്കും.