വാടാാനപ്പള്ളി: കുട്ടികള്‍ക്ക് മതപഠനം നല്‍കുന്ന കാര്യത്തില്‍ സമൂഹം കൂടുതല്‍ ശ്രദ്ധ ചെലുത്തണമെന്ന് സമസ്ത മുഫത്തിശ് ഹസന്‍ ഫൈസി അഭിപ്രായപ്പെട്ടു. വാടാനപ്പള്ളി റെയ്ഞ്ച് വാര്‍ഷിക ജനറല്‍ ബോഡി യോഗം ഉദ്ഘാടനം ചെയ്യുകയായിരുന്നു അദ്ദേഹം. മതപഠനം നേടിയത് പ്രാവര്‍ത്തികമാക്കുന്ന കാര്യത്തില്‍ രക്ഷിതാക്കളും ജാഗരൂഗരാവണം.
അല്ലെങ്കില്‍ സമൂഹത്തിന്റെ നിലനില്‍പ്പ് തന്നെ അപകടത്തിലാകും. അതിനാല്‍ നാം പൂര്‍വികരുടെ പാത പിന്‍പറ്റണം. ഉത്തമ സമൂഹത്തിന്റെ സൃഷ്ടിപ്പിന് അത് മാത്രമെ മാര്‍ഗമുള്ളുവെന്നും അദ്ദേഹം പറഞ്ഞു. റെയ്ഞ്ച് പ്രസിഡന്റ് എ.ടി.എം.ഫൈസി അധ്യക്ഷനായി. സമസ്ത മുദരിബ് അബ്ദുല്‍ ഹക്കീം ബാഖവി മുഖ്യ പ്രഭാഷണം നടത്തി.
അബ്ദുല്‍ കരീം ദാരിമി, എ.എ ജാഫര്‍ മാസ്റ്റര്‍, നൂറുദ്ദീന്‍ യമാനി, സി.എം ശിഹാബുദ്ദീന്‍ സംസാരിച്ചു. ഭാരവാഹികള്‍: എ.ടി.എം ഫൈസി (പ്രസിഡന്റ്) കെ.അബ്ദുല്‍ കരീം ദാരിമി, എ.എ ജാഫര്‍ മാസ്റ്റര്‍ (വൈ. പ്രസിഡന്റുമാര്‍) സി.എം ശിഹാബുദ്ദീന്‍ മൗലവി (ജ.സെക്രട്ടറി) വി.പി അബ്ദുറഹിമാന്‍ മുസ്്‌ലിയാര്‍, പി.എ മുഹമ്മദ് റാഫി മൗലവി (സെക്രട്ടറിമാര്‍) നൂറുദ്ദീന്‍ യമാനി (ചെയര്‍മാന്‍) പി.എ അബ്ദുസ്സലാം മൗലവി, ഇ.എച്ച് ശിഹാബുദ്ദീന്‍ മൗലവി (വൈ.ചെയര്‍മാന്‍ മാര്‍) എ.എ അബ്ദുല്‍ ജബ്ബാര്‍ (ട്രഷറര്‍)