കൊണ്ടോട്ടി: ജില്ലാ സ്‌കൂള്‍ അറബിക് സാഹിത്യോത്സവത്തില്‍ അറബി പ്രസംഗം, കഥാരചന, സംഭാഷണം, കഥാപ്രസംഗം തുടങ്ങിയ മത്സരയിനങ്ങളില്‍ എ ഗ്രേഡോടെ ഒന്നാം സ്ഥാനവും 60 പോയിന്റും നേടി ജില്ലയിലെ മികച്ച വിദ്യാലയമായി കൊട്ടുക്കര പി.പി.എം.എച്ച്.എസ്.എസ് തെരഞ്ഞെടുക്കപ്പെട്ടു.
അറബിക് സാഹിത്യോത്സവം ആരംഭ കാലം മുതല്‍ കൊണ്ടോട്ടി ഉപജില്ലയില്‍ ഓവറോള്‍ കരസ്ഥമാക്കിയിട്ടുണ്ട്. സംസ്ഥാനത്ത് ഏറ്റവും കൂടുതല്‍ വിദ്യാര്‍ഥികളെ അറബി ഒന്നാം ഭാഷയായി എസ്.എസ്.എല്‍.സി പരീക്ഷക്കിരുത്തി വിജയിപ്പിച്ചതിനുള്ള ഡോ. മുഹിയുദ്ദീന്‍ ആലുവായ് മെമ്മോറിയല്‍ അവാര്‍ഡ് സ്‌കൂള്‍ കരസ്ഥമാക്കുന്നുണ്ട്. സ്‌കൂളിലെ അധ്യാപകരുടെയും വിദ്യാര്‍ഥികളുടെയും കൂട്ടായ കഠിന പ്രയത്‌നമാണ് ഈ വിജയത്തിന് പിന്നില്‍. സ്‌കൂള്‍ മാനേജ്‌മെന്റും പി.ടി.എയും വിജയികളെ അഭിനന്ദിച്ചു.