നിലമ്പൂര്‍: 500 ഗ്രാം കഞ്ചാവുമായി വയോധികന്‍ അറസ്റ്റില്‍. നിലമ്പൂര്‍ മയ്യന്താണിയിലെ കൊളപ്പറ്റ വീട്ടില്‍ കരീമിനെ(68)യാണ് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ ടി.കെ അഷ്‌റഫും സംഘവും അറസ്റ്റ് ചെയ്തത്. നിലമ്പൂര്‍ ചന്തക്കുന്ന് ബസ്സ്റ്റാന്‍ഡ് പരിസരത്ത് നിന്നും ഇന്നലെ രാവിലെ 11 ഓടെയാണ് ഇയാള്‍ അറസ്റ്റിലായത്.  ഓടിരക്ഷപ്പെടാന്‍ ശ്രമിച്ച ഇയാളെ മല്‍പിടുത്തത്തിലൂടെയാണ് എക്‌സൈസ് സംഘം കീഴ്‌പ്പെടുത്തിയത്. എക്‌സൈസ് പ്രിവന്റീവ് ഓഫിസര്‍ രാമചന്ദ്രന്‍, സിവില്‍ എക്‌സൈസ് ഓഫിസര്‍മാരായ ദിനേശ്, സുബാഷ്, ജയന്‍, രാകേഷ് ചന്ദ്രന്‍, ഡ്രൈവര്‍ രാജീവ് എന്നിവരും റെയ്ഡില്‍ പങ്കെടുത്തു.