ചെങ്കള: ചെങ്കള ഗ്രാമപഞ്ചായത്തിലെയും സമീപ പഞ്ചായത്തുകളിലെയും കുട്ടികള്‍ക്ക് കളിക്കാനും ഉല്ലസിക്കാനും വേണ്ടി നടപ്പാക്കാന്‍ തുനിഞ്ഞ ചെങ്കള കുട്ടികളുടെ പാര്‍ക്ക് തറക്കല്ലിടലിനപ്പുറം ചലിച്ചില്ല.
2012 ഫെബ്രുവരി ആറിനു അന്നത്തെ ചെങ്കള പഞ്ചായത്ത് പ്രസിഡന്റ് സി.എച്ച് മുഹമ്മദ് കുഞ്ഞിയാണ് കുട്ടികളുടെ പാര്‍ക്കിനായി തറക്കല്ലിട്ടത്. സ്ഥലമേറ്റെടുത്ത് തറക്കല്ലിടുന്നതിനപ്പുറം ഒരു നിര്‍മാണ പ്രവൃത്തിയും നടന്നില്ല. കാടു കയറിയ സ്ഥലവും നാലു വര്‍ഷം മുന്‍പിട്ട തറക്കല്ലും അനാഥമായി കിടക്കുന്നു. തറക്കല്ലു ചൂണ്ടിക്കാട്ടി നാട്ടുകാരുടെ ചോദിക്കുകയാണ് കുട്ടികളോടു വേണ്ടായിരുന്നു ഈ ചതി.