കോഴിക്കോട്: പ്രവാസികളുടെ പ്രശ്‌നങ്ങള്‍ക്കു നേരെ മുഖംതിരിഞ്ഞുനില്‍ക്കുന്ന സര്‍ക്കാര്‍ നിലപാടുകള്‍ക്കെതിരേ സംസ്ഥാന പ്രവാസി ലീഗ് ഓഗസ്റ്റ് ഒന്നിന് കോഴിക്കോട്ട് നടത്തുന്ന സമരപ്രഖ്യാപന സമ്മേളനം വിജയിപ്പിക്കാന്‍ കോഴിക്കോട് ജില്ലാ കമ്മിറ്റി തീരുമാനിച്ചു. മണ്ഡലം തലങ്ങളില്‍ നിന്ന് മുന്നൂറില്‍പരം പേരെ പങ്കെടുപ്പിക്കാനും തീരുമാനിച്ചു. ജില്ലാ പ്രസിഡന്റ് കെ.പി ഇമ്പിച്ചി മമ്മു ഹാജി അധ്യക്ഷനായി. സംസ്ഥാന പ്രസിഡന്റ് എസ്.വി അബ്ദുല്ല, കറാളത്ത് പോക്കര്‍ ഹാജി, അഹമ്മദ് കുറ്റിക്കാട്ടൂര്‍, ഹുസൈന്‍ കമ്മന സംസാരിച്ചു.