മലപ്പുറം: എക്‌സൈസ് സ്‌പെഷല്‍ സ്‌ക്വാഡ് നടത്തിയ പരിശോധനയില്‍ കൊണ്ടോട്ടി പ്രൈവറ്റ് ബസ് സ്റ്റാന്‍ഡിന് സമീപത്തുവച്ച് 30 പൊതി കഞ്ചാവുമായി കോഴിക്കോട് ജില്ലയിലെ കക്കോടി മൂട്ടോളി  പെരിഞ്ചിമലയില്‍ ടി.ടി അശ്വിന്‍ (20) പിടിയിലായി.
കൊണ്ടോട്ടി ഭാഗത്ത് മലപ്പുറം എക്‌സൈസ് സ്‌പെഷല്‍ സ്‌ക്വാഡ് ഇന്‍സ്‌പെക്ടറും പാര്‍ട്ടിയും നടത്തിയ പരിശോധനയിലാണ് കഞ്ചാവ് പിടികൂടിയത്. തമിഴ്‌നാട്ടില്‍ നിന്നു കഞ്ചാവ് കൊണ്ടുവന്ന് ജില്ലയിലെ സ്‌കൂള്‍, കോളജ് എന്നിവിടങ്ങളിലെ വിദ്യാര്‍ഥികള്‍ക്ക് വില്‍പ്പന നടത്തുകയാണ് ചെയ്തിരുന്നത്. എക്‌സൈസ് ഇന്‍സ്‌പെക്ടര്‍ പി. ശ്രീരാജ്, അസിസ്റ്റന്റ് എക്‌സൈസ് ഇന്‍സ്‌പെക്ടര്‍ (ഗ്രേഡ്) എം. അബ്ദുല്‍ ബഷീര്‍, പ്രിവന്റീവ് ഓഫിസര്‍ ടി. സന്തോഷ്, സിവില്‍ എക്‌സൈസ് ഓഫിസര്‍മാരായ മുഹമ്മദ് അലി, പി.ഇ ഹംസ , എ.വി ലെനില്‍ ,ഇ. നുഷൈര്‍, വി.റഫീഖ്, ഡ്രൈവര്‍ കെ.സി അബ്ദുറഹിമാന്‍ എന്നിവര്‍ പരിശോധനാ സംഘത്തിലുണ്ടായിരുന്നു.