പയ്യോളി: തുടര്‍ച്ചയായി വൈദ്യുതി മുടങ്ങുന്നതിനെതിരേ പ്രതിഷേധവുമായി പയ്യോളിയിലെ വ്യാപാരികള്‍. രാവിലെ മുതല്‍ വൈകിട്ട് മൂന്നുവരെ പയ്യോളി ടൗണില്‍ വൈദ്യുതി നിയന്ത്രണം ഏര്‍പ്പെടുത്തിയതിനെ തുടര്‍ന്നാണ് വ്യാപാരികള്‍ പ്രതിഷേധവുമായി കെ.എസ്.ഇ.ബി ഓഫിസിലെത്തിയത്.
തകരാറിലായ ലൈനുകളില്‍ പ്രവൃത്തി നടക്കുന്നതിനാലാണ് നിയന്ത്രണം  ഏര്‍പ്പെടുത്തിയതെന്ന് കെ.എസ്.ഇ.ബി അധികൃതര്‍ പറയുന്നു. എന്നാല്‍ ലൈനിലെ പ്രവൃത്തികള്‍ ഉച്ചസമയത്തേക്കു മാറ്റണമെന്ന് വ്യാപാരികള്‍ ആവശ്യപ്പെട്ടു. കെ.ടി വിനോദന്‍, കെ.പി റാണാപ്രതാപ് നേതൃത്വം നല്‍കി.