കക്കട്ടില്‍: തിനൂര്‍ മോന്തോമ്മലിലെ പുരാതനമായ മദ്‌റസ കെട്ടിടം പൊളിച്ചു. വിഘടിത വിഭാഗം നേതാവിന്റെ നേതൃത്വത്തില്‍ അര്‍ധരാത്രി പൊളിച്ചു നീക്കിയത് വന്‍ പ്രതിഷേധത്തിന് ഇടയാക്കി.ഐക്യം തകര്‍ക്കുന്ന ഈ നടപടിയില്‍ ശക്തമായ പ്രതിഷേധം വ്യാപകമായിരിക്കുകയാണ്. 2006 ല്‍ മദ്‌റസ ഭാഗികമായി തകര്‍ത്തതുമായി ബന്ധപ്പെട്ട് കോടതിയുടെ പരിഗണനയിലുള്ള സ്ഥാപനമാണ് തകര്‍ത്തത്. ഇതുവഴി നാട്ടിലെ സമാധാനാന്തരീക്ഷം തകര്‍ക്കാനാണ് ചിലര്‍ ശ്രമിക്കുന്നത്.ഗുണ്ടാ വിളയാട്ടത്തിനെതിരേ സമസ്ത നേതാക്കള്‍ പ്രതിഷേധിച്ചു. എസ്.വൈ.എസ് നാദാപുരം മണ്ഡലം, എസ്.കെ.എസ്.എസ്.എഫ് വാണിമേല്‍ മേഖല, തിനൂര്‍ മോന്തോമ്മല്‍ മഹല്ല് തുടങ്ങി വിവിധ കമ്മിറ്റികള്‍ പ്രതിഷേധിച്ചു.