പനമരം: പനമരം ഹയര്‍ സെക്കന്‍ഡറി സ്‌കൂളില്‍ നിന്നുള്ള മൂന്ന് വിദ്യാര്‍ഥികള്‍ സംസ്ഥാന സര്‍ക്കാരിന്റെ 'ഓപ്പറേഷന്‍ ഒളിംപ്യന്‍' പദ്ധതിയിലേക്ക് തിരഞ്ഞെടുക്കപ്പെട്ടു. ഏഴാം ക്ലാസ് വിദ്യാര്‍ഥിനികളായ അപര്‍ണ സുരേഷ്, അഷിത വര്‍ഗീസ്, പത്താം ക്ലാസ് വിദ്യാര്‍ഥിയായ എം.എസ് സൂരജ് എന്നിവര്‍ക്കാണ് അവസരം ലഭിച്ചത്. സൂരജും അപര്‍ണയും സൈക്ലിങിലും അഷിത റസ് ലിങിലുമാണ് തിരഞ്ഞെടുക്കപ്പെട്ടത്.  2020-24, 28 എന്നീ വര്‍ഷങ്ങളില്‍ നടക്കുന്ന ഒളിംപിക്‌സില്‍ മെഡല്‍ നേടാന്‍ ലക്ഷ്യമിട്ടാണ് സര്‍ക്കാര്‍ പദ്ധതി ആവിഷ്‌കരിച്ചിരിക്കുന്നത്. കായിക അധ്യാപകന്‍ നവാസിന്റെ നേതൃത്വത്തിലായിരുന്നു ഇതുവരെ വിദ്യാര്‍ഥികളുടെ പരിശീലനം.