ചെന്നൈ: 2021ലെ നിയമസഭാ തെരഞ്ഞെടുപ്പില്‍ തമിഴ്‌നാട്ടിലെ ജനങ്ങള്‍ ഒരു അത്ഭുതം കാണിക്കുമെന്ന് സൂപ്പര്‍ സ്റ്റാര്‍ രജനി കാന്ത്.
മക്കള്‍ നീതി മയ്യം സ്ഥാപകനും നടനുമായ കമല്‍ ഹാസനുമായി രാഷ്ട്രീയമായി കൈകോര്‍ക്കാന്‍ സന്നദ്ധത പ്രകടിപ്പിച്ച ശേഷം സഖ്യവുമായി ബന്ധപ്പെട്ട കാര്യങ്ങളും ആരാണ് മുഖ്യമന്ത്രിയാകുകയെന്നും തെരഞ്ഞെടുപ്പ് സമയത്ത് തീരുമാനിക്കുമെന്ന് അദ്ദേഹം പറഞ്ഞു.
2021ലെ നിയമസഭാ തെരഞ്ഞെടുപ്പില്‍ തമിഴ്‌നാട്ടിലെ ജനങ്ങള്‍ 100 ശതമാനവും വലിയൊരു അത്ഭുതമായിരിക്കും കാണിക്കുക. ഇത് രാഷ്ട്രീയ രംഗത്ത് വലിയ മുന്നേറ്റം തന്നെയായിരിക്കുമെന്നും അദ്ദേഹം പറഞ്ഞു. ഇരുനേതാക്കളും തമ്മിലുളള സഖ്യത്തെക്കുറിച്ച് അണ്ണാ ഡി.എം.കെ നടത്തിയ പരിഹാസത്തോട് പ്രതികരിക്കുകയായിരുന്നു രജനി കാന്ത്.