ന്യൂഡല്‍ഹി: ഐ.എന്‍.എക്‌സ് മീഡിയ കേസില്‍ കോണ്‍ഗ്രസ് നേതാവും മുന്‍ധനകാര്യമന്ത്രിയുമായ പി. ചിദംബരത്തെ തിഹാര്‍ ജയിലില്‍ ചോദ്യം ചെയ്യാന്‍ എന്‍ഫോഴ്‌സ്‌മെന്റ് ഡരക്ടറേറ്റിന് ഡല്‍ഹി പ്രത്യേക കോടതി ജഡ്ജ് അജയ് കുമാര്‍ കുഹാര്‍ അനുവാദം നല്‍കി.
ചിദംബരത്തെ ചോദ്യം ചെയ്യാന്‍ അനുവാദം തേടിയുള്ള ഹരജി പരിഗണിച്ചാണ് എന്‍ഫോഴ്‌സ്‌മെന്റ് ഡയരക്ടറേറ്റ് ഇതിന് അനുവാദം നല്‍കിയത്. ഇന്നും നാളെയും രാവിലെ 10 മുതല്‍ ഒന്നുവരെയും 2.30 മുതല്‍ നാലുവരെയും ചോദ്യം ചെയ്യാനാണ് സമയം അനുവദിച്ചത്. ചില രേഖകള്‍ അദ്ദേഹത്തെ കാണിച്ച് അതുസംബന്ധിച്ച വിവരങ്ങള്‍ അറിയണമെന്ന് എന്‍ഫോഴ്‌സ്‌മെന്റ് ഡയരക്ടറേറ്റ് കോടതിയില്‍ വ്യക്തമാക്കിയിരുന്നു.