ചെമ്മണാമ്പതി: മൊണ്ടിപതിക്കാട്, ചപ്പക്കാട് മേഖലയില്‍ വീണ്ടും കാട്ടാന ഭീതി.
കഴിഞ്ഞ നാല് ദിവസങ്ങളിലായി മൊണ്ടിപതിക്കാട്, ചപ്പക്കാട്ടിലെ അടിവാര മേഖലയില്‍ ഇറങ്ങിയ കാട്ടാന നാല്‍പ്പതിലധികം തെങ്ങുകള്‍, മുപ്പതിലധികം മാവുകള്‍, മറ്റു ഫലവൃക്ഷങ്ങളും വ്യാപകമായി നശിപ്പിച്ചു.
രാത്രിയില്‍ തോട്ടങ്ങളില്‍ എത്തുന്ന ഒറ്റക്കൊമ്പന്‍ വ്യാപകമായ നാശ നഷ്ടങ്ങള്‍ ഉണ്ടാക്കി. കഴിഞ്ഞ രണ്ടാഴ്ചക്കിടെ മുന്‍വിധി കാര്‍ഡിന് മാത്രം 18 കര്‍ഷകരോട് വിളകളാണ് ഒറ്റക്കൊമ്പന്‍ നശിപ്പിച്ചത്.
പടക്കംപൊട്ടിച്ചും ശബ്ദങ്ങളുണ്ടാക്കും ഒറ്റക്കൊമ്പന്‍ ആട്ടി ഓടിക്കാന്‍ കര്‍ഷകര്‍ നിരവധി ശ്രമങ്ങള്‍ നടത്തുന്നുണ്ടെങ്കിലും ശബ്ദമുണ്ടാക്കുന്ന വരെ തിരിച്ച് ആക്രമിക്കുന്ന അവസ്ഥയിലാണ് കാട്ടാന എത്തിയിട്ടുള്ളതെന്ന് നാട്ടുകാര്‍ പറയുന്നു. കഴിഞ്ഞ മാസം മൊണ്ടിപതിക്കാട്ടില്‍ എത്തിയ നാല് കാട്ടാനകള്‍ വ്യാപകമായ കൃഷിനാശം ഉണ്ടാക്കിയപ്പോള്‍ വനം വകുപ്പ് സ്ഥലം സന്ദര്‍ശിക്കാത്തത് പ്രതിഷേധത്തിനു വഴിവെച്ചിരുന്നു. ഇത്തവണ കാട്ടാനയുടെ ശല്ല്യം പകല്‍ സമയങ്ങളിലും വര്‍ധിച്ചതിനാല്‍ കാട്ടാനയെ പറമ്പിക്കുളം ഉള്‍വനത്തിലെത്തിക്കണമെന്നാണ് നാട്ടുകാരുടെ ആവശ്യം.