തലശ്ശേരി: മാപ്പിളപ്പാട്ടിന് നല്‍കിയ സമഗ്ര സംഭാവനകള്‍ മാനിച്ച് കേരള ഫോക്‌ലോര്‍ അക്കാദമിയുടെ അവാര്‍ഡ് ലഭിച്ച സംഗീതജ്ഞന്‍ വൈ.എം.എ ഖാലിദിന് സുഹൃത് സംഘം സ്വീകരണം നല്‍കി.
തലശ്ശേരി കനക് റസിഡന്‍സിയില്‍ നടന്ന സ്വീകരണ ചടങ്ങില്‍ അഡ്വ. എ.എന്‍ ഷംസീര്‍ എം.എല്‍.എ ഉദ്ഘാടനം ചെയ്തു. നഗരസഭാ ചെയര്‍മാന്‍ സി.കെ രമേശന്‍ അധ്യക്ഷനായി. പ്രൊഫ. എ.പി സുബൈര്‍ മുഖ്യഭാഷണം നടത്തി. എരഞ്ഞോളി മൂസ, നഗരസഭാ ഉപാധ്യക്ഷ നജ്മാ ഹാഷിം, അഡ്വ. പി.വി സൈനുദ്ദീന്‍, സി.എ രാമചന്ദ്രന്‍, ഉസ്മാന്‍ പി. വടക്കുമ്പാട്, വൈ.എം.എ റിയാസ് സംസാരിച്ചു. വൈ.എം.എ ഖാലിദ് മറുപടി പ്രസംഗം നടത്തി. തുടര്‍ന്ന് ഐ.എം.എയുടെ നേതൃത്വത്തില്‍ ഗാനമേളയും അറങ്ങേറി.