വെങ്ങപ്പള്ളി: ക്വാറിക്ക് സമീപത്തെ കാപ്പിത്തോട്ടത്തില്‍നിന്ന് വന്‍ സ്‌ഫോടക ശേഖരം പൊലിസ് പിടികൂടി. 864 ജലാറ്റിന്‍ സ്റ്റിക്കുകളും 200 ഡിറ്റണേറ്ററും 18 ഫ്യൂസ് വയറിന്റെ പായ്ക്കറ്റുമാണ് പിടികൂടിയത്
.വെങ്ങപ്പള്ളി കോടഞ്ചേരിക്കുന്ന് ക്വാറിക്ക് സമീപത്തെ തോട്ടത്തില്‍ നിന്നാണ് ഇവ പിടികൂടിയത്. രണ്ടു പ്ലാസ്റ്റിക് ഡ്രമ്മിലായിട്ടാണ് സ്‌ഫോടക വസ്തുക്കള്‍ സൂക്ഷിച്ചത്. കല്‍പ്പറ്റ അഡിഷണല്‍ എ.എസ്.ഐ എം.കെ ബോസ്, എസ്.ഐ ബേബി എന്നിവരുടെ നേതൃത്വത്തിലുള്ള പൊലിസ് സംഘമാണ് ഞായറാഴ്ച ഉച്ചയോടെസ്ഥലത്ത് പരിശോധന നടത്തി സ്‌ഫോടക വസതുക്കള്‍ പിടികൂടിയത്. സംഭവത്തില്‍ കേസെടുത്തു. ഇന്ന് ഇവ കോടതിയില്‍ ഹാജരാക്കും.