കൂത്തുപറമ്പ്: ബസ്സ്റ്റാന്‍ഡില്‍ അവശനിലയില്‍ കണ്ടെത്തിയ വയോധികന് തുണയായി ജനമൈത്രി പൊലിസ്. എസ്.ഐ കെ.വി നിഷിത്തിന്റെ നേതൃത്വത്തില്‍ പട്രോളിങ് നടത്തുന്നതിനിടെ ബസ്സ്റ്റാന്‍ഡില്‍ കണ്ടെത്തിയ തമിഴ്‌നാട് സ്വദേശി വേലുസ്വാമിയെയാണ് കൂത്തുപറമ്പ് പൊലിസിന്റെ നേതൃത്വത്തില്‍ ആലച്ചേരി അറയങ്ങാട്ടെ സ്‌നേഹഭവനിലെത്തിച്ചത്.മട്ടന്നൂരിലെ അമ്മ പെയിന്‍ ആന്‍ഡ് പാലിയേറ്റിവ് കെയറിന്റെ പ്രവര്‍ത്തകരും ചേര്‍ന്ന് വയോധികനെ കുളിപ്പിച്ച് ഭക്ഷണം നല്‍കിയ ശേഷമാണ് സ്‌നേഹഭവനിലെത്തിച്ചത്.