ദുബൈ: സമസ്ത കേരള സുന്നി ബാലവേദി ഡിസംബര്‍ 24 മുതല്‍ 26 വരെ മലപ്പുറം ബൈത്തുല്‍ ഹിക്മയില്‍ സംഘടിപ്പിക്കുന്ന സില്‍വര്‍ ജൂബിലി സമ്മേളനത്തിന് മുന്നോടിയായുള്ള വിദേശ പ്രചാരണ പരിപാടികള്‍ക്ക് തുടക്കമായി. സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ്തങ്ങള്‍, ജന.സെക്രട്ടറി അഫ്‌സല്‍ രാമന്തളി എന്നിവരുടെ നേതൃത്വത്തില്‍ വിവിധ സ്ഥലങ്ങളില്‍ നടന്ന പ്രചാരണ പരിപാടിയില്‍ നിരവധി പേര്‍ സംബന്ധിച്ചു. വിദേശ രാഷ്ട്രങ്ങളിലെ മദ്‌റസാ വിദ്യാര്‍ഥികള്‍ക്കും രക്ഷിതാക്കള്‍ക്കും സംഘടനാ സന്ദേശവും സില്‍വര്‍ ജൂബിലി സന്ദേശവും പ്രചാരണത്തിന്റെ ഭാഗമായി കൈമാറും.
ദുബൈ സുന്നി സെന്റര്‍ മദ്‌റസ, അജ്മാന്‍ നാസര്‍ സുവൈദി മദ്‌റസ, റാസല്‍ഖൈമ ബുഖാരി മദ്‌റസ, ഷാര്‍ജ ദഅ്‌വാ സെന്റര്‍, ഉമ്മുല്‍ഖുവൈന്‍, അല്‍ ഐന്‍, അബൂദബി എന്നിവിടങ്ങളില്‍ നടന്ന പ്രചാരണ കണ്‍വന്‍ഷനില്‍ പാണക്കാട് സയ്യിദ് അസീല്‍ അലി ശിഹാബ് തങ്ങള്‍, സയ്യിദ് റാജി അലി ശിഹാബ് തങ്ങള്‍, സയ്യിദ് പൂക്കോയ തങ്ങള്‍ അല്‍ ഐന്‍, സയ്യിദ് ശുഹൈബ് തങ്ങള്‍, അബ്ദുല്‍ ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, അഫ്‌സല്‍ രാമന്തളി, നാസര്‍ മുസ്‌ലിയാര്‍ ദുബൈ, അലവിക്കുട്ടി ഫൈസി മുതുവല്ലൂര്‍, അനസ് അസ്അദി കണ്ണൂര്‍, അബ്ദുല്‍ ഹകീം ഷാര്‍ജ, ഹാരിസ് ബാഖവി കടമേരി, ശമീര്‍ തോടന്നൂര്‍, ശാഫി വെട്ടിക്കാട്ടിരി സംബന്ധിച്ചു.