കൊണ്ടോട്ടി: ഫുട്‌ബോള്‍ കളിയിലൂടെ ഇന്ത്യയുടെ അഭിമാനമായി മാറിയ അനസ് എടത്തൊടികയ്ക്ക് ജന്മനാടിന്റെ സ്‌നേഹാദരം. വാദ്യമേളങ്ങളുടെ അകമ്പടിയോടെ കുറുപ്പത്ത് ബൈപ്പാസ് ജങ്ഷനില്‍ നിന്ന് കൊണ്ടോട്ടി ടൗണ്‍ വഴി അനസിനേയും ആനയിച്ചുള്ള ഘോഷയാത്രയില്‍ വിവിധ ക്ലബ് പ്രവര്‍ത്തകരുള്‍പ്പടെ നൂറുകണക്കിനാളുകള്‍ അണിനിരന്നു.
യുനൈറ്റഡ് ക്ലബും മുണ്ടപ്പലം പൗരാവലിയും ചേര്‍ന്നാണ് പരിപാടി സംഘടിപ്പിച്ചത്. മുണ്ടപ്പലത്ത് അനസ് പന്തുതട്ടിക്കളിച്ച മൈതാനായില്‍ സംഘടിപ്പിച്ച സ്വീകരണ സമ്മേളനം പി.കെ കുഞ്ഞാലിക്കുട്ടി എം.പി ഉദ്ഘാടനം ചെയ്തു. നഗരസഭാധ്യക്ഷന്‍ സി.കെ നാടിക്കുട്ടി അധ്യക്ഷനായി.
ടി.വി ഇബ്രാഹീം എം.എല്‍.എ ഉപഹാരം നല്‍കി. കൗണ്‍സിലര്‍മാരായ യു.കെ മമ്മിശ, വി.അബ്ദുല്‍ ഹക്കീം, കെ.കെ സമദ്, വി.പി സക്കീര്‍ ഹുസൈന്‍, സി.ടി അജ്മല്‍, ചുക്കാന്‍ മുഹമ്മദലി, പി. അബ്ദുറഹ്മാന്‍, പി.പി മുഹമ്മദ് ബഷീര്‍, മുസ്തഫ മുണ്ടപ്പലം,  ജൂബീഷ്, മഹേഷ് സംസാരിച്ചു.