നിലമ്പൂര്‍: വടപുറം പാലത്തില്‍നിന്നു 150 മീറ്റര്‍ ഉള്ളിലായി വുഡ് കോംപ്ലക്‌സിനു സമീപം ആറു മാസത്തിലേറെ പഴക്കമുള്ള തലയോട്ടിയും അസ്ഥികൂടങ്ങളും കണ്ടെത്തി. ഇന്നലെ കൂണ്‍ ശേഖരിക്കാന്‍ വനത്തില്‍ പോയവരാണ് ഇവ കണ്ടെത്തിയത്.
സമീപത്തെ മരത്തില്‍ തൂങ്ങാന്‍ ശ്രമിച്ച തുണിയുടെ അവശിഷ്ടം കണ്ടെത്തിയിട്ടുണ്ട്. ആത്മഹത്യയാണെന്നു സംശയിക്കുന്നു. അസ്ഥികൂടം പുരുഷന്റേതാണെന്നാണ് പ്രാഥമിക നിഗമനം. ഡോഗ് സ്‌കോഡ് ഉള്‍പ്പെടെയുള്ളവര്‍ ഇന്നു സ്ഥലത്തെത്തും. സ്ഥലത്തു നിലമ്പൂര്‍ പൊലിസ് കാവലേര്‍പ്പെടുത്തിയിട്ടുണ്ട്.