എടവണ്ണപ്പാറ: രണ്ടര പതിറ്റാണ്ടുകാലം സമസ്തയുടെ അധ്യക്ഷനായിരുന്ന കണ്ണിയത്ത് അഹമ്മദ് മുസ്‌ലിയാരുടെ ഇരുപത്തിയേഴാം മഖാം ഉറൂസ് നാളെ വാഴക്കാട് ആരംഭിക്കും. നാളെ മുതല്‍ മുപ്പതാം തിയതി വരെയുള്ള ഏഴു ദിവസങ്ങളിലായി മത പ്രഭാഷണം, ആത്മീയ പ്രാര്‍ഥനാ സദസ്, അന്നദാനം എന്നിവ നടക്കും. നാളെ രാവിലെ പത്തിന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ പതാക ഉയര്‍ത്തും. വൈകുന്നേരം ഏഴിന് സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം നിര്‍വഹിക്കും. വലിയുദ്ധീന്‍ ഫൈസി പ്രഭാഷണം നടത്തും. റഷീദലി ശിഹാബ് തങ്ങള്‍ സ്വലാത്ത് മജ്‌ലിസിന് നേതൃത്വം നല്‍കും.
25ന് വൈകിട്ട് ഏഴിന് നടക്കുന്ന മതപ്രഭാഷണം ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. മുനീര്‍ ഹുദവി എറണാകുളം പ്രഭാഷണം നടത്തും. മാണിയൂര്‍ അഹമ്മദ് മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും. 26ന് വൈകിട്ട് ഏഴിന് നടക്കുന്ന അസ്മാഉല്‍ ഹുസ്‌ന റാത്തീബിന് മാനു തങ്ങള്‍ വെള്ളൂര്‍ നേതൃത്വം നല്‍കും. ജലീല്‍ റഹ്മാനി പ്രഭാഷണം നടത്തും. ചെമ്പുലങ്ങാട് പി.പി മുഹമ്മദ് കുട്ടി മുസ്‌ലിയാര്‍ പ്രാര്‍ഥന നിര്‍വഹിക്കും.
27 ന് വൈകിട്ട് ഏഴിന് നടക്കുന്ന മതപ്രഭാഷണം അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. ഷാജഹാന്‍ റഹ്മാനി കമ്പളക്കാട് പ്രഭാഷണം നടത്തും. മൂരിയാട് ഹംസ മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും. 28 ന് വൈകിട്ട് ഏഴിന് നടക്കുന്ന മജ്‌ലിസുന്നൂര്‍ ആത്മീയ സദസിന് കോഴിക്കോട് ഖാസി മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും. മുസ്തഫ ഹുദവി പ്രഭാഷണം നിര്‍വഹിക്കും. 29ന് വൈകിട്ട് നടക്കുന്ന ജലാലിയ്യ റാത്തീബിന് സയ്യിദ് മാനു തങ്ങള്‍ വെള്ളൂര്‍ നേതൃത്വം നല്‍കും. അന്‍വര്‍ മുഹ്‌യിദ്ദീന്‍ ഹുദവി ആലുവ പ്രഭാഷണം നടത്തും.
30ന് രാവിലെ ഒന്‍പതിന് നടക്കുന്ന സമാപന സംഗമത്തില്‍ എം.ടി അബ്ദുല്ല മുസ്‌ലിയാര്‍ മഖാം സിയാറത്തിന് നേതൃത്വം നല്‍കും. സമാപന ഖത്മുല്‍ ഖുര്‍ആന്‍ പ്രാര്‍ഥനാ സമ്മേളനത്തില്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, നാസര്‍ ഹയ്യ് ശിഹാബ് തങ്ങള്‍, മുക്കം ഉമര്‍ ഫൈസി, എ.വി അബ്ദുറഹ്മാന്‍ മുസ്‌ലിയാര്‍, ആനമങ്ങാട് മുഹമ്മദ്കുട്ടി ഫൈസി, ഇ.ടി മുഹമ്മദ് ബഷീര്‍ എം.പി സംസാരിക്കും. വാവാട് കുഞ്ഞിക്കോയ മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും.
കണ്ണിയത്ത് ഉസ്താദ് സ്മാരക ഹിഫ്‌ളുല്‍ ഖുര്‍ആന്‍ കോളജില്‍നിന്ന് പഠനം പൂര്‍ത്തിയാക്കിയവര്‍ക്കുള്ള സനദ് ദാനവും ജിഫ്‌രി തങ്ങള്‍ നിര്‍വഹിക്കും. കാല്‍ലക്ഷം പേര്‍ക്കുള്ള അന്നദാനത്തോടെ പരിപാടികള്‍ക്ക് സമാപനമാവും.
വാര്‍ത്താസമ്മേളനത്തില്‍ ബി.എസ്.കെ തങ്ങള്‍, അബ്ദുറഹ്മാന്‍ ദാരിമി മുണ്ടേരി, മമ്മു ദാരിമി വാവൂര്‍, അലി അക്ബര്‍ ഊര്‍ക്കടവ്, ഷുക്കൂര്‍ വെട്ടത്തൂര്‍, യൂനുസ് ഫൈസി വെട്ടുപാറ, സലാം മൗലവി വാവൂര്‍, ഹമീദ് മാസ്റ്റര്‍ വാഴക്കാട് പങ്കെടുത്തു.