തിരുവനന്തപുരം: കുഷ്ഠരോഗബാധിതരെ ഗൃഹസന്ദര്‍ശനത്തിലൂടെ കണ്ടെത്തി രോഗ നിര്‍ണയം നടത്തുന്നതിനും ചികിത്സ നല്‍കുന്നതിനുമായി ആരോഗ്യ വകുപ്പ് ദേശീയ ആരോഗ്യ ദൗത്യത്തിന്റെ ഭാഗമായി നടത്തുന്ന അശ്വമേധം പദ്ധതി ഡിസംബര്‍ 5 മുതല്‍ 18 വരെ തിരുവനന്തപുരം, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, കണ്ണൂര്‍, കാസര്‍ഗോട് ജില്ലകളില്‍ നടക്കും. പരിശീലനം ലഭിച്ച ആശാ പ്രവര്‍ത്തകയും സന്നദ്ധ പ്രവര്‍ത്തകനുമടങ്ങുന്ന ടീം രോഗ നിര്‍ണയത്തിനായി ഓരോ വീടുകളും സന്ദര്‍ശിക്കുകയും കുഷ്ഠരോഗ ലക്ഷണങ്ങള്‍ കണ്ടെത്തുന്നവര്‍ക്ക് സര്‍ക്കാര്‍ ആശുപത്രികളില്‍ സൗജന്യമായി ചികിത്സ ലഭ്യമാക്കുകയും ചെയ്യും.
പരിപാടിയിലേക്ക് സന്നദ്ധ പ്രവര്‍ത്തകരായി പങ്കെടുക്കാന്‍ ആഗ്രഹിക്കുന്ന പുരുഷന്മാര്‍ക്ക് ഓണ്‍ലൈന്‍ വഴി അപേക്ഷിക്കാമെന്ന് ദേശീയ ആരോഗ്യ ദൗത്യം ജില്ലാ പ്രോഗ്രാം മാനേജര്‍ അറിയിച്ചു. ംംം.മൃീഴ്യമസലൃമഹമാ.ഴീ്.ശി എന്ന വെബ്‌സൈറ്റിലൂടെയാണു രജിസ്റ്റര്‍ ചെയ്യേണ്ടത്. കൂടുതല്‍ വിവരങ്ങള്‍ക്ക് തൈക്കാട് മാതൃ-ശിശു ആശുപത്രി വളപ്പിലുള്ള എന്‍.എച്ച്.എം. ജില്ലാ പ്രോഗ്രാം മാനേജ്‌മെന്റ് ഓഫിസുമായി ബന്ധപ്പെടുക.