കായംകുളം: സ്വര്‍ണവ്യാപാരിയെ വീട്ടില്‍ കയറി വെട്ടിയ സംഭവത്തില്‍ നാല് പ്രതികള്‍ കൂടി പിടിയില്‍. എരുവ കിഴക്ക് സ്വദേശികളായ അനന്ദു ഭവനത്തില്‍ അനന്തു (18), കുന്നത്തറയില്‍ വീട്ടില്‍ സുജിത്ത് (33), കടവശ്ശേരിവടക്കതില്‍ വിശാഖ് (19), കളീക്കല്‍ വീട്ടില്‍ കാര്‍ത്തിക് (21) എന്നിവരെയാണ് സിഐ കെ.സദന്റെ
നേതൃത്വത്തിലുള്ള പൊലിസ് സംഘം അറസ്റ്റ് ചെയ്തത്.
കഴിഞ്ഞ 25ന് രാത്രിയാണ് മാളിയേക്കല്‍ ജ്യൂവലറി ഉടമ പെരുങ്ങാലമുറി ഷാജഹാന്‍ (52) നെ ബൈക്കിലെത്തിയ ആറംഗ സംഘം വീട്ടില്‍ കയറി ആക്രമിച്ചത്. മകന്‍ റിയാനെ അന്വേഷിച്ച് വീട്ടില്‍വന്ന സംഘം പിതാവ് ഷാജഹാനെ ആക്രമിക്കുകയും പുറത്ത് കിടന്ന കാറും ബൈക്കും തല്ലിത്തകര്‍ക്കുകയുമായിരുന്നു. ഷാജഹാന്‍ ആലപ്പുഴ മെഡിക്കല്‍കോളജ് ആശുപത്രിയില്‍ ചികിത്സയിലാണ്.