കോഴിക്കോട്: പത്രപ്രവര്‍ത്തനത്തിന്റെ വജ്രജൂബിലി ആഘോഷിക്കുന്ന മുതിര്‍ന്ന പത്രപ്രവര്‍ത്തകന്‍ സി.എം.കെ പണിക്കരെ ആദരിച്ചു. മുല്ലപ്പള്ളി രാമചന്ദ്രന്‍ ഉപഹാരം നല്‍കി.
ചടങ്ങില്‍ ന്യൂസ് കേരള ദിനപത്രത്തിന്റെ 25-ാം വാര്‍ഷികവും മുല്ലപ്പള്ളി ഉദ്ഘാടനം ചെയ്തു. മേയര്‍ തോട്ടത്തില്‍ രവീന്ദ്രന്‍ മുഖ്യാതിഥിയായി. സ്വാഗതസംഘം ചെയര്‍മാന്‍ അഡ്വ. പി.എസ് ശ്രീധരന്‍ പിള്ള അധ്യക്ഷനായി. ഡോ. എം.ജി.എസ് നാരായണന്‍ മുഖ്യപ്രഭാഷണം നിര്‍വഹിച്ചു. പി. ശങ്കരന്‍, പത്രപ്രവര്‍ത്തക യൂനിയന്‍ സംസ്ഥാന പ്രസിഡന്റ് കമാല്‍ വരദൂര്‍, ടി.വി ബാലന്‍, സി.എം.പി ജില്ലാ സെക്രട്ടറി സി.എന്‍ വിജയകൃഷ്ണന്‍, നാരായണന്‍ കുട്ടി മാസ്റ്റര്‍, ജനാര്‍ദ്ദനന്‍ നായര്‍, ഡോ. കെ. മൊയ്തു, സീനിയര്‍ ജേണലിസ്റ്റ് ഫോറം സെക്രട്ടറി നടുവട്ടം സത്യശീലന്‍ സംസാരിച്ചു. സ്വാഗതസംഘം കണ്‍വീനര്‍ നിസാര്‍ ഒളവണ്ണ സ്വാഗതവും ജോ. കണ്‍വീനര്‍ കെ.പി വിജയകുമാര്‍ നന്ദിയും പറഞ്ഞു.