വെള്ളമുണ്ട: ആദിവാസി കോളനിയിലെ പതിനെട്ടുകാരിയെ തടഞ്ഞുവെച്ച് പീഡിപ്പിച്ചെന്ന പരാതിയില്‍ യുവാവിനെ അറസ്റ്റ് ചെയ്തു.
കുഞ്ഞോം ഉതിരിച്ചിറ പുത്തന്‍വീട് ഷിജിന്‍ കുമാര്‍ (25)നെയാണ് തൊണ്ടര്‍നാട് പൊലിസ് സ്റ്റേഷന്‍ എസ്.ഐ കെ.വി മഹേഷും സംഘവും അറസ്റ്റ് ചെയ്തത്. കഴിഞ്ഞ ദിവസം ഷിജിന്റെ വീടിന്റെ പരിസരത്ത് വെച്ച് പെണ്‍കുട്ടിയെ തടഞ്ഞുനിര്‍ത്തി പീഡിപ്പിച്ചതായാണ് പരാതി. ഏറെ നേരം കുട്ടിയെ കാണാതായതിനെ തുടര്‍ന്ന് വീട്ടുകാര്‍ നടത്തിയ തിരച്ചിലില്‍ കണ്ടെത്തുകയായിരുന്നു.
ശാരീരിക വേദന അനുഭവപ്പെട്ടതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചപ്പോള്‍ പീഡനത്തിനിരയായതായി തെളിഞ്ഞു. തുടര്‍ന്ന് കുട്ടിയുടെ മൊഴിയുടെ അടിസ്ഥാനത്തില്‍ പ്രതിയെ അറസ്റ്റ് ചെയ്തു. വൈകിട്ടോടെ മാനന്തവാടി കോടതിയില്‍ ഹാരാക്കിയ പ്രതിയെ കോടതി റിമാന്‍ഡ് ചെയ്തു.