തിരുവനന്തപുരം: വീട്ടമ്മയെ പീഡിപ്പിച്ച കേസില്‍ റിമാന്‍ഡിലായി സബ് ജയിലില്‍ കഴിയുന്ന വിന്‍സെന്റ് എം.എല്‍.എയെ മറ്റൊരു കേസില്‍ കൂടി അറസ്റ്റ് ചെയ്തു. മദ്യശാലയുടെ പ്രവര്‍ത്തനം തടസപ്പെടുത്തി സര്‍ക്കാരിന് 12 ലക്ഷം രൂപയുടെ നഷ്ടംവരുത്തിയെന്ന കേസിലാണ് അറസ്റ്റ്.
കഴിഞ്ഞ ഏപ്രില്‍ 10ന് പനയത്തേരിയില്‍ ബിവറേജസ് മദ്യശാലക്കെതിരേ നടന്ന പ്രതിഷേധ സമരത്തെ തുടര്‍ന്നുണ്ടായ സംഘര്‍ഷവുമായി ബന്ധപ്പെട്ടാണ് അറസ്റ്റ്. സംഭവത്തില്‍ വിന്‍സെന്റിനെ ഒന്നാം പ്രതിയാക്കി ബാലരാമപുരം പൊലിസ് കേസെടുത്തിരുന്നു.