കൊല്ലം: പ്ലസ്‌വണ്‍ വിദ്യാര്‍ഥിനിയെ ദുരൂഹസാഹചര്യത്തില്‍ മരിച്ചനിലയില്‍ കണ്ടെത്തി. പത്തനാപുരം അലിമുക്ക് വെട്ടിത്തിട്ടയിലാണ് സംഭവം. പിറവന്തൂര്‍ നല്ലകുളം കരിമൂട്ടില്‍ ബിജു-ബീനാ ദമ്പതികളുടെ മകള്‍ റിന്‍സി ബിജുവിനെയാണ് മരിച്ചനിലയില്‍ കണ്ടത്. കഴിഞ്ഞദിവസം രാത്രി 12 വരെ വീട്ടിലെ മുറിയില്‍ പഠിച്ചുകൊണ്ടിരിക്കുകയായിരുന്നു. ഇന്നലെ പുലര്‍ച്ചെ മകളെ വിളിക്കാനായി മാതാവ് മുറിയില്‍ എത്തിയപ്പോള്‍ മരിച്ചനിലയില്‍ കണ്ടെത്തുകയായിരുന്നു.
കുട്ടിയുടെ കഴുത്തിലുണ്ടായിരുന്ന സ്വര്‍ണമാല നഷ്ടപ്പെട്ടിട്ടുണ്ട്. വിരലടയാള വിദഗ്ധരും ഡോഗ്‌സ്‌ക്വാഡും പൊലിസും സ്ഥലത്തെത്തി പരിശോധന നടത്തി. മൃതദേഹത്തില്‍ ചില പാടുകള്‍ കണ്ടെത്തിയതായി പൊലിസ് പറഞ്ഞു. കലഞ്ഞൂര്‍ ഗവ. ഹയര്‍സെക്കന്‍ഡറി സ്‌കൂള്‍ വിദ്യാര്‍ഥിനിയാണ്. സഹോദരി: ആന്‍സി.