പാറക്കടവ്: ചെക്യാട് പഞ്ചായത്തിലെ പ്രകൃതി രമണീയമായ ഉള്ളിപ്പാറയില്‍ സഞ്ചാരികള്‍ എത്താന്‍ മടിക്കുന്നു.
ദിവസങ്ങള്‍ക്ക് മുന്‍പ് വരേ ഇവിടത്തെ സായാഹ്നങ്ങള്‍ സഞ്ചാരികളെ കൊണ്ട് നിറഞ്ഞിരുന്നു.
വശ്യമായ പ്രകൃതി സൗന്ദര്യം ആസ്വദിക്കാനും ഇവിടെ കരിങ്കല്‍ ഖനത്തിന് ശേഷം രൂപപെട്ട വെള്ളക്കെട്ടില്‍ നീന്തിക്കുളിക്കാനുമായിരുന്നു പ്രധാനമായും സഞ്ചാരികള്‍ ഇവിടേക്കെത്തിയത്.
ഏതാനും ദിവസങ്ങള്‍ക്ക് മുന്‍പ് ഈ വെള്ളകെട്ടില്‍ കുളിക്കുന്നതിനിടെ ഒരു ദേശത്തെ കണ്ണീരിലിലാഴ്ത്തിയ ദുരന്തത്തില്‍ ചെക്യാട് കൊയപ്രം പാലം കല്ല് കൊത്തിയില്‍ പരേതനായ അലിയുടെ മകന്‍ സഫീറിന്റെ ജീവന്‍ നഷ്ടപെട്ടിരുന്നു. ഇതോടെ ഭീതിയിലായ സഞ്ചാരികള്‍ ഇവിടം സന്ദര്‍ശിക്കാന്‍ വിമുഖത കാണിക്കുന്നു.
ആ ദുരന്തത്തിന് ശേഷം ഇവിടം ആരും കുളിക്കാനായും എത്തുന്നില്ല. ഇതോടെ മനോഹരമായ ഈ പ്രദേശത്തോടൊപ്പം സമീപവാസികളും ഭീതിയിലാണ്ടിരിക്കുകയാണ്.