പാനൂര്‍: മൊകേരി മുത്താറിപീടികക്ക് സമീപം പൊലിസ് നടത്തിയ റെയ്ഡില്‍ ബോംബുകള്‍ കണ്ടെത്തി.
മുത്താറിപീടിക ചെണ്ടയാട് റോഡിലെ കൊപ്ര മില്ലിന് സമീപത്തെ ആള്‍പ്പാര്‍പ്പില്ലാത്ത പറമ്പില്‍ നിന്നാണ് മൂന്ന് നാടന്‍ ബോംബുകള്‍ കണ്ടെടുത്തത്. പാനൂര്‍ സി.ഐ വി.വി ബെന്നിയുടെ നേതൃത്വത്തില്‍ ഇന്ന് രാവിലെയാണ് റെയ്ഡ് നടത്തിയത്. മേഖലയിലെ പല കേന്ദ്രങ്ങളിലും ആയുധങ്ങള്‍ക്കും സ്‌ഫോടക വസ്തുക്കള്‍ക്കുമായുള്ള പരിശോധന തുടരുകയാണ്. രക്തസാക്ഷി ബലിദാന്‍ ദിനാചരണങ്ങള്‍ ഇന്ന് ആരംഭിക്കാനിരിക്കെ സുരക്ഷ ശക്തമാക്കുന്നതിന്റെ ഭാഗമായാണ് പൊലിസ് തെരച്ചില്‍ നടത്തുന്നത്.