നീലേശ്വരം: കാസര്‍കോട് നീലേശ്വരത്ത് ബി.ജെ.പി-സി.പി.എം സംഘര്‍ഷം. ബി.ജെ.പി ആഹ്വാനം ചെയ്ത ഹര്‍ത്താലിനിടെയാണ് സംഘര്‍ഷമുണ്ടായത്. ബി.ജെ.പി ഓഫിസ് ജനൽച്ചില്ലുകൾ സി.പി.എം പ്രവർത്തകർ എറിഞ്ഞുതകർത്തു. ഇരു വിഭാഗം പ്രവര്‍ത്തകരേയും പിരിച്ചുവിടാന്‍ പൊലിസ് ഗ്രനേഡ് പ്രയോഗിച്ചു. സ്ഥലത്ത് സംഘര്‍ഷാവസ്ഥ നിലനില്‍ക്കുകയാണ്.  ഡി.വൈ.എഫ്.ഐ പ്രവർത്തകനെ ഹർത്താൽ അനുകൂലികൾ മർദ്ദിച്ചതാണ് സംഘർഷത്തിനു കാരണമെന്ന് സി.പി.എം ആരോപിച്ചു.