താമരശ്ശേരി: ഡി.വൈ.എഫ്.ഐ താമരശ്ശേരി ബ്ലോക്ക് കമ്മിറ്റി സംഘടിപ്പിച്ച കാല്‍നട പ്രചാരണ ജാഥ സമാപിച്ചു. ഇന്നലെ രാവിലെ 10ന് കച്ചേരിമുക്കില്‍ നിന്ന് ആരംഭിച്ച യാത്ര പന്നൂര്, എളേറ്റില്‍ വട്ടോളി, അരുണിപൊയില്‍ ഇയ്യാട്, എകരൂല്‍, പൂനൂര്‍ എന്നിവിടങ്ങളിലെ സ്വീകരണത്തിനു ശേഷം വൈകിട്ട് ആറിന് കോളിക്കലില്‍ സമാപിച്ചു.
സമാപന സമ്മേളനം സി.പി.എം ജില്ലാ കമ്മിറ്റിയംഗം ആര്‍.പി ഭാസ്‌കരന്‍ ഉദ്ഘാടനം ചെയ്തു. സി.കെ കബീര്‍ അധ്യക്ഷനായി. വിവിധ സ്വീകരണ കേന്ദ്രങ്ങളില്‍ ജാഥാ ലീഡര്‍ ടി. മെഹറൂഫ്, പൈലറ്റ് വി. ലിജു, വൈസ് ലീഡര്‍മാരായ പി.എം ജയേഷ്, വി.പി സുല്‍ഫീക്കര്‍, മാനേജര്‍ ഇ.പി സജികുമാര്‍, ലിബിന്‍ അജയ്‌ഘോഷ്, ബിജു പന്നൂര്‍, ലെനിന്‍ദാസ് ബാബു, പ്രകാശന്‍ കട്ടിപ്പാറ, പി.വി അമൃത, സാദിഖലി തങ്ങള്‍, കെ.പി സിറാജ്, ബിബിന്‍ദേവ് സംസാരിച്ചു.